ກອງປະຊຸມໃຫຍ່ຜູ້ແທນຄັ້ງທີVI ຂອງອົງຄະນະພັກກອງພັນໃຫຍ່ 497
ໄຂຂຶ້ນ ແລະ ອັດລົງດ້ວຍຜົນສຳເລັດອັນຈົບງາມ
ກອງປະຊຸມໃຫຍ່ຜູ້ແທນສະມາຊິກພັກຄັ້ງທີ VI ຂອງອົງຄະນະພັກກອງພັນໃຫຍ່ຕີພິເສດ 497
ກອງປະຊຸມໃຫຍ່ຜູ້ແທນສະມາຊິກພັກຄັ້ງທີ VI ຂອງອົງຄະນະພັກກອງພັນໃຫຍ່ຕີພິເສດ 497 ໄດ້ໄຂຂຶ້ນຢ່າງເປັນທາງການ ໃນຕອນ
ເຊົ້າຂອງ ວັນທີ 19 ມີນາ 2024 ນີ້, ໂດຍພາຍໃຕ້ການເປັນປະທານຂອງ ສະຫາຍ ພົນຕີ ສາຍໃຈ ກົມມະສິດ ກໍາມະການຄະນະປະຈຳພັກກະ
ຊວງ ຫົວໜ້າຫ້ອງວ່າການກະຊວງປ້ອງກັນປະເທດ, ມີສະຫາຍ ພັນເອກ ຄຳສຸກ ໄຊມວນສິນ ເລຂາຄະນະບໍລິຫານງານພັກ ຫົວໜ້າການທະ
ຫານ ກອງພັນໃຫຍ່ 497 ພ້ອມຄະນະ, ມີກົມຈັດຕັ້ງພັກ, ກົມພະນັກງານ, ກົມ 49, ຄະນະພັກແຂວງວຽງຈັນ, ເມືອງທຸລະຄົມ, ກອງບັນ
ຊາການທະຫານແຂວງວຽງຈັນ, ກອງບັນຊາການທະຫານເມືອງທຸລະຄົມ, ປກສ ເມືອງທຸລະຄົມ, ກອງພັນໃຫຍ່ 605, ກອງພັນໃຫຍ່ 941,
ເຂື່ອນໄຟຟ້ານ້ຳມັງ 3, ພະນັກງານປະຕິວັດອາວຸໂສ, ບັນດາສະຫາຍຜູ້ແທນສົມບູນຈໍານວນ 152 ສະຫາຍ, ເພດຍິງ 2 ສະຫາຍ ທີ່ເປັນຕົວ
ແທນໃຫ້ແກ່ສະມາຊິກພັກທັງໝົດໃນທົ່ວກອງພັນໃຫຍ່ເຂົ້າຮ່ວມ.
ກອງປະຊຸມໃຫຍ່ຜູ້ແທນຄັ້ງທີ VI ຂອງອົງຄະນະພັກກອງພັນໃຫຍ່ 497 ຄັ້ງນີ້, ເປັນກອງປະຊຸມສຸດທີ່ມີຄວາມໝາຍສໍາຄັນໃນຊີວິດການ
ເມືອງຂອງກົມກອງ, ເປັນການປະຕິບັດຕາມຫຼັກການນໍາພາ ແລະ ຈັດຕັ້ງປະຕິບັດແນວທາງຂອງພັກ, ແນໃສ່ປັບປຸງກໍ່ສ້າງພັກໃຫ້ມີຄວາມໜັກ
ແໜ້ນດ້ານການເມືອງແນວຄິດ, ເຂັ້ມແຂງດ້ານການຈັດຕັ້ງ ແລະ ແບບແຜນການນໍາພາ-ວິທີເຮັດວຽກ ທີ່ມີວິທະຍາສາດ, ເປັນບັ້ນດໍາເນີນຊີວິດ
ການເມືອງພາຍໃນຄະນະບໍລິຫານງານພັກ, ສະມາຊິກພັກຢູ່ໃນກົມກອງ ຜ່ານກອງປະຊຸມໃຫຍ່ຄັ້ງນີ້ຈະເຮັດໃຫ້ຄຸນນະພາບ, ບົດບາດ, ຄວາມ
ສາມາດການນໍາພາຂອງຄະນະພັກໄດ້ຮັບການເຊີດຊູສູງຂຶ້ນ. ໃນວາລະດໍາເນີນກອງປະຊຸມ; ສະຫາຍ ພັນເອກ ຄຳສຸກ ໄຊມວນສິນ ເລຂາຄະນະບໍ
ລິຫານພັກກອງພັນໃຫຍ່ ໄດ້ມີຄໍາເຫັນກ່າວໄຂກອງປະຊຸມ ພ້ອມທັງຜ່ານບົດລາຍງານການເມືອງການນໍາພາຂອງຄະນະພັກ ກອງພັນໃຫຍ່ 497
ໄລຍະ 5 ປີຜ່ານມາ ແລະ ທິດທາງແຜນການນໍາພາ 5 ປີຕໍ່ໜ້າ ( 2024-2029) ໂດຍໄດ້ສັງເກດຕີລາຄາຄືນຕໍ່ໝາກຜົນແຫ່ງການເຄື່ອນໄຫວຊີ້
ນຳ-ນໍາພາ ແລະ ຈັດຕັ້ງປະຕິບັດໜ້າທີ່ວຽກງານໃນໄລຍະຜ່ານມາ, ເຊິ່ງຄະນະພັກກອງພັນໃຫຍ່ ໄດ້ເອົາໃຈໃສ່ສຶກສາອົບຮົມການເມືອງນຳພາ-ແນວ
ຄິດໃຫ້ພະນັກງານສະມາຊິກພັກ-ນັກຮົບດ້ວຍຫຼາຍເນື້ອໃນ ແລະ ຮູບການ, ໂດຍການນຳເອົາເນື້ອໃນມະຕິກອງປະຊຸມໃຫຍ່ຄັ້ງທີ XI ຂອງພັກ, ມະ
ຕິກອງປະຊຸມໃຫຍ່ຄັ້ງທີ V ຂອງອົງຄະນະພັກກະຊວງປ້ອງກັນປະເທດ ແລະ ມະຕິກອງປະຊຸມໃຫຍ່ຄັ້ງທີ V ຂອງຕົນເຂົ້າສູ່ຊີວິດຕົວຈິງຢ່າງເປັນ
ຂະບວນການກວ້າງຂວາງ ແລະ ສາມາດຍາດໄດ້ຜົນງານຫຼາຍດ້ານທີ່ພົ້ນເດັ່ນ, ພ້ອມທັງໄດ້ນໍາເອົາເອກະສານ, ມູນເຊື້ອວັນສໍາຄັນຕ່າງໆ ແລະ ກົດ
ລະບຽບຂອງພັກ, ກົດໝາຍຂອງລັດ ມາຈັດຕັ້ງເຊື່ອມຊຶມໃຫ້ພະນັກງານສະມາຊິກພັກ-ນັກຮົບໄດ້ຮັບຮູ້ຢ່າງເລິກເຊິ່ງ, ເອົາໃຈໃສ່ປັບປຸງກໍ່ສ້າງພັກໃຫ້
ໜັກແໜ້ນ ທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ ແລະ ແບບແຜນວິທີນຳພາ, ປະຕິບັດຖືກຕ້ອງຕາມຫຼັກການລວມສູນປະ
ຊາທິປະໄຕ ແລະ 5 ຫຼັກການ 3 ທິດນຳໃນການປັບປຸງກໍ່ສ້າງພັກ ໃຫ້ມີຄວາມປອດໃສ, ເຂັ້ມແຂງ ໜັກແໜ້ນ. ໄດ້ເອົາໃຈໃສ່ປັບປຸງການຈັດຕັ້ງບັນ
ຊາແຕ່ລະຂັ້ນ ໃຫ້ມີຄວາມເຂັ້ມແຂງ, ຊັບຊ້ອນຈັດວາງພະນັກງານໃສ່ແຕ່ລະຕຳແໜງງານຖືກຕ້ອງກັບຄວາມຮູ້-ຄວາມສາມາດ, ວິຊາສະເພາະ ຮັບ
ປະກັນພະນັກງານ 3 ຮຸ່ນ, ຮຸ່ນອາວຸໂສ, ຮຸ່ນກາງ, ຮຸ່ນໜຸ່ມແໜ້ນ ເຮັດໃຫ້ການຈັດຕັ້ງແຕ່ລະຂັ້ນມີຄວາມສະຫງົບໂດຍພື້ນຖານ, ໃນສຸມປີຜ່ານມາ
ມີພະນັກງານ-ນັກຮົບ ໄດ້ຮັບການເລື່ອນຊັ້ນ-ເລື່ອນທຽບຊັ້ນ 624 ສະຫາຍ.
ນອກນັ້ນ, ຄະນະພັກກໍ່ເອົາໄດ້ເອົາໃຈໃສ່ຊີ້ນຳວຽກງານອົງການຈັດຕັ້ງມະຫາຊົນ ຊາວໜຸ່ມ-ແມ່ຍິງ; ຂົງເຂດວຽກງານຍຸດຕິທຳ, ວຽກງານນະໂຍ
ບາຍ-ປະກັນສັງຄົມ, ວຽກງານຮັບປະກັນແກ້ໄຂຊີວິດການເປັນຢູ່. ກອງປະຊຸມ; ບັນດາສະຫາຍຜູ້ແທນທີ່ຕາງໜ້າໃຫ້ບັນດາກົມກອງ ພະແນກການ
ໄດ້ພ້ອມກັນປະກອບຄໍາຄິດເຫັນ ແລະ ເປັນເອກະພາບໃນການຕີລາຄາສະພາບການຈັດຕັ້ງຊີ້ນຳ-ນຳພາ, ມີຄວາມຮັບຜິດຊອບໃນການເບິ່ງບັນຫາ ໃຫ້
ຖືກກັບຄວາມເປັນຈິງ, ຍົກໃຫ້ເຫັນອັນທີ່ເຮັດໄດ້, ອັນທີ່ເປັນບົດຮຽນ ແລະ ສິ່ງຫຍໍ້ທໍ້ຄົງຄ້າງຕ່າງໆ ກໍຄືການແກ້ໄຂບັນຫາໃນວຽກງານຕົວຈິງໃຫ້ຖືກ
ຕ້ອງທັນກັບສະພາບການ, ເພື່ອຮັບປະກັນໃນການວາງແຜນວຽກງານຈຸດສຸມໃນຕໍ່ໜ້າໃຫ້ແທດເໝາະກັບສະພາບແວດລ້ອມຕົວຈິງຂອງກົມກອງ ແລະ
ຊຸກຍູ້ການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VI ຂອງຄະນະພັກກອງພັນໃຫຍ່ດ້ວຍຈິດໃຈບຸກທະລຸ, ມີການຫັນອັນປ່ຽນໃໝ່ທີ່ດີຂຶ້ນກວ່າເກົ່າ
ແລະ ເກີດໝາກຜົນຕົວຈິງ. ກອງປະຊຸມ; ໄດ້ພ້ອມກັນປ່ອນບັດເລືອກຕັ້ງເອົາຄະນະບໍລິຫານງານພັກຊຸດໃໝ່, ເລືອກເອົາຄະນະປະຈຳພັກ, ປະທານ,
ຮອງປະທານ ຄະນະກວດກາພັກ ແລະ ປ່ອນບັດເລືອກຕັ້ງເອົາຜູ້ແທນສົມບູນ-ສຳຮອງໄປຮ່ວມກອງປະຊຸມໃຫຍ່ຂອງຄະນະພັກຂັ້ນເທິງໄດ້ຕາມລະດັບ
ຄາດໝາຍທີ່ວາງໄວ້.
ແຫຼ່ງຂ່າວໂດຍ ເປີ້ນ ແສງຄໍາມີ
ວັນທີ 21/03/2024